اضف شبكة على التصميم

من الحركات الحلوة اللي تعطي التصميم نكهة خاصة هي إضافة شبكة من المربعات الصغيرة على الصورة

في ها الدرس بنتعلم كيفية عمل ذلك

الصورة المستخدمة هي

بإمكانكم تطبيق الدرس على صور ثانية من عندكم ،، أو ممكن تزورون معرض جواهر الإمارات ..

نروح عند File عقب New ،،

بيظهر لنا ها البوكس وانطبق نفس القيم الموجودة



لما تسوون OK بتظهرلكم صفحة العمل بهاي الصورة



جي المربع وايد صغير ،، عشان تتحكمون فيه على راحتكم روحوا عند قائمة الأدوات واختاروا أداة التكبير

بتظهرلكم خصائص هاي الأداة فوق ،، اتأكدوا من تحديد أداة المكبر اللي عليه رمز (+)

لاحظوا الصورة


وتكبرون الصورة لأقصى حد ممكن ،، عن طريق النقر بالماوس على المربع الصغير

الخطوة الثانية

مرة ثانية نرد لقائمة الأدوات ،، بس ها المرة نروح لأدوات التحديد ،، نقرة على اليمين علىأداة التحديد ونختار الشكل الموضح في الصورة



بواسطة الأداة ،، نحدد سطرين بالعرض من الشكل ،، مثل ما هو موضح في الصورة



عقب غيروا أداة التحديد بنفس الطريقة السابقة ،، واختاروا الأداة اللي بالطول



اضغطوا على Shift من لوحة المفاتيح وحددوا سطرين بالطول من الشكل ـــ مع العلم بأن الضغط على shift يؤدي لدمج مناطق التحديد ـــ

الحين عقب ما حددنا المنطقة المطلوبه ،، اظغطوا على زر D من لوحة المفاتيح عشان نرد الالوان للأبيض والأسود

،،
الحين بنضغط على Alt و backspace ــ اللي هو زر التراجع في لوحة المفاتيح ــ بنلاحظ ان الجزء اللي حددناه اتلون بالاسود مثل ما موضح في الصورة

اضغطوا على Ctrl + D من لوحة المفاتيح عشان نشيل التحديد

الخطوة الثالثة

الحين نروح لـ Edit ونختار define pattern



بيظهر لنا ها البوكس ،، سوي ok






الخطوة الرابعة

اختاروا الصورة اللي تعجكم ،، انا اخترت هاي الصورة

الحين بنحتاج لبوكس الليرات ،،

واللي مو ظاهر عنده يظهره عن طريق Window عقب Layers

نضيف لير جديد عن طريق الضغط على المربع الصغير الموجود أسفل بوكس الليرات

بنلاحظ ظهور لير أو شفافية جديدة فوق لير الصورة ،،

لاحظوا الصورة:

عقب نروح لـ Edit مرة ثانية ،، ونختار Fill



بيظهر لنا ها البوكس



نضغط على شكل المربع ،، بنلاحظ ظهور كل الاشكال الموجودة من ضمنها الشكل اللي احنا سويناه ،، اضغظوا عليه وسوو OK

المفروض الحين ان شكل الصورة تظهر بهاي الطريقة

الصورة حلوة ،، بس بعد نقدر نخليها أحلى ،،

بنخفف شوي من لون الشبكة ،،

روحوا على بوكس الليرات ،، بتشوفون فوق شي شريط مكتوب عليه Normal غيروه لـ Soft Light

لاحظوا الصورة:

وبجي بنوصل للنتيجة المطلوبة

شكراً على المتابعة

جزاكم الله خير